A Dirección Xeral de I+D+i da Consellería de Innovación e Industria da Xunta de Galicia está impulsando a creación e consolidación de 14 plataformas tecnolóxicas, entre as cales atópase a Plataforma do Produto Gráfico Galego. Esta plataforma está enfocada a fomentar e producir sinerxias entre as diversas empresas e axentes que conforman a cadea de valor do Produto Gráfico Galego, para participar na planificación da Axenda Estratéxica de Investigación (AEI) e o desenvolvemento do sector na Comunidade Autónoma de Galicia e, situala como unha actividade líder en sectores estratéxicos.

A Plataforma defínese como un lugar de encontro e diálogo de todos os axentes relacionados co Sector e o seu futuro depende en grande medida da capacidade de manter e crear vantaxes competitivas mediante o desenvolvemento de actividades de investigación e innovación por parte dos seus integrantes.